Turas Siar

Sé an chiall atá le Turas Siar ná ag dul ar thuras siar sa mbéaloideas, stair agus seannachas an cheanntair seo. Tá an tIonnad Staidéir Cultúr agus Teanga suite ar an gCartúr, baile beag álainn ar bhruach na farraige aon mhíle siar ó Bhéal an Mhuirthead ar an mbóthar go Fód Dubh. Cuireadh an áit seo ar an bhfód seacht mbliana ó shin agus tá baillúchán mór curtha le chéile go dtí seo. Bíonn teacht le chéile agus tóstail againn go minic chomh maith le cúrsa béaloideais ag cur seannachas an phráiste le chéile agus dhá chuir in eagar. Go rialta bíonn daoine ag tabhairt cuairt orainn anseo chuile lá agus oíche. Nuair thagann tú isteach feiceann tú an tine oscailte sa gclabhar, suíonn muid síos thart ar an tine agus tosnaíonn muid ag caint agus ag cómhrá faoin tsean saol agus na daoiní a mhair thart anseo fadó. Mé féin agus mo bheann-chéile Cáit atá í gceannas ar Thuras Siar agus dá bhrí sin bíonn an áit oscailte seacht lá na seachtaine agus ó mhaidin go faoi. Is gin-eólaí í Cáit agus is stairí áitúil mise, dhá bhárr sin is féidir le duine an t-eolas uilig a fháil istigh in aon teach amháin! Bíonn go leór imeachtaí eile ar siúl anseo chomh maith, óicheantaí ceóil, léachtaí, cainteanna agus cómhra chois tine. Tá obair eile ar lámha againn sa trá láthair agus sin ag déanamh árd staidéar ar shean ghaeilge an cheanntair go mórmhór an teanga labhartha agus na sean taifadí atá sa gcartlann anseo. Anois tá baillúchán na mbun–scoileanna a rinneadh faoi scáth an Roinn Béaloideais sa mbliain naoi-déag tríocha seacht, tá mion-scrúdadh dhá dhéanamh air agus dá chuir í gcomparáid le scéalta agus seannachas an lae anniú. Tugann muid cabhair agus cuideamh í gcónaí do dhuine ar bith a mbíonn sin uaidh í gcás scoille nó ábhar staidéir, bíodh sé í mbéarla ná gaeilge.